無論你想要咩妝感或遮瑕度，無論你係咩膚質，只要明白如何配搭粉底同遮瑕膏，你都可以擁有完美無暇嘅琉璃肌！
平日化妝步驟中，最為棘手嘅一環就係粉底同遮瑕。一個完美嘅底妝可以遮住我地熬夜煲劇導致嘅黑眼圈，又可以令我地用Zoom開會嘅時候睇落去精神啲。簡單黎講，底妝就係拯救顏值嘅秘方。但相信唔少姊妹都有經歷過以下心路歷程：網上買粉底液隻隻色睇落都差唔多，究竟邊隻色先最配合到自己膚色？等我地今日從妝感、遮瑕度及底色三個大概念入手，了解下點先可以得出最合拍嘅100% PURE™粉底及遮瑕孖寶啦！
點先識揀粉底同遮瑕？
市面上嘅粉底同遮瑕產品琳琅滿目，無從入手。係思考買咩產品時，記得問自己以下呢幾個問題：
你想要咩妝感？
粉底嘅妝感同粉底顏色本身同樣重要。常見嘅妝感由啞緻到光澤都有。由於粉底覆蓋面部最大面積，所以粉底嘅妝感亦會決定我地皮膚嘅妝感。
至於遮瑕膏，一般都係用於眼袋、暗瘡印或其他面部小瑕疵，亦因為呢個原因，唔少人鐘意補濕度高嘅遮瑕膏，唔會咁易起乾紋。當然，揀一款質地輕盈嘅遮瑕產品都好重要，如果唔係遮瑕膏上再搽蜜粉，就會令妝感過為厚重。
你係咩膚質？
皮膚嘅需要永遠係我地首位，應該將挑選適合我地膚質嘅產品放係優先位置。好似乾性肌寶寶就唔適合用啞緻妝感嘅粉底，唔單止做唔到出面啲人吹捧嘅霧面肌，仲會令皮膚感覺唔舒服。想知點根據膚質揀粉底？碌落下面睇下我地為你準備嘅底妝全攻略啦！
你最關注的皮膚問題是...?
皮膚問題可能同敏感肌或暗瘡肌寶寶有關。一啲含大量酒精、矽酮或其他有害物質嘅底妝產品就比較容易引起過敏及其他問題；所以，我地絕對唔會採用以上有害物質，取而代之選用植物純露、抗氧化物及水果萃取黎生產化妝品，保證純淨，不為皮膚帶來負擔。
敏弱肌、暗瘡肌朋友通常都要「以身試毒」，試完一輪先搵到「真命天子」，不過搵到個下真係會感動到喊出黎架！
你的膚色 / 肌底色係咩？
當我地想買粉底或遮瑕時，呢條問題至關重要。就算俾你搵到一支啱妝感、啱遮瑕度又啱你膚質嘅粉底，佢如果同你膚色唔夾，咁都無謂勉強。（小編教落：勉強係無幸福架！！！）
膚色，就係我地皮膚顏色嘅深淺；而肌底色，就係膚色係偏暖色定冷色系。呢兩種因素加埋，就會決定我地應該買咩色嘅粉底。
- 暖色系肌會呈輕微金色
- 金色慢慢變成黃色底色，就屬於中性色；綠、紅等等亦屬於中性色
- 最後，有冷色及橄欖色。粉紅、紅或藍色都屬於冷色系，而橄欖肌底色就會係一種獨特嘅黃綠色
坊間有人話如果皮膚下血管望落偏紫色，咁你就係冷色系肌；如果呈綠色，就係暖色系肌。如果血管呈藍色，又或者半綠半紫，咁你應該就係中性肌色。
講完肌底色，咁膚色又如何呢？一般黎講，化妝品分為3-4個色系：極淺/淺，中，深/極深。極淺同極深亦極容易配搭，最難決定嘅反而係中間色號。我地嘅粉底系列唔單止分淺中深，仲會考慮埋冷、暖、中性或金色肌底色。直到目前為止，我地嘅所有配方都包含超過60隻色號，梗有一支啱你。
如何正確配搭粉底及遮瑕
想知點樣襯好一set粉底加遮瑕？唔洗驚，即刻睇下面張「貓紙」，由自己膚質及夢想妝感入手，打造完美無瑕嘅琉璃肌！
正常至乾性肌：光澤妝感
正常或乾性肌寶寶們有福了，原來有一支粉底搽上面係唔會甩皮唔會乾！！以下呢四款無敵組合，即時為你打造充滿水潤光澤嘅琉璃肌：
- 果妍萃取有色補濕液 + 長效遮瑕膏
- BB 乳霜 + 長效遮瑕膏
- 果妍萃取柔滑粉底 + 二重肌遮瑕膏
- 果妍萃取全覆蓋水潤粉底 + 長效遮瑕膏
正常至油性肌：啞緻妝感
混合肌嘅你，一定要save低以下呢三個無敵組合！油肌嘅你天生自帶水潤感，所以唔需要揀水光感嘅粉底。不妨考慮下以下幾款偏霧面嘅產品，打造長效無夏嘅啞緻肌：
- 果妍萃取粉餅 + 二重肌遮瑕膏
- 竹子絲滑蜜粉 + 二重肌遮瑕膏
- 果妍萃取純健粉底 + 二重肌遮瑕膏
所有膚質：緞面妝感
我地最注重妝感平等，即係無論你屬於咩膚質，都可以搵到最適合自己嘅粉底同遮瑕組合。係時候介紹我地嘅緞面妝效孖寶，佢地質地不厚重之餘仲可塑性極高，同時帶著點到即止嘅光澤，簡直係霧面同水潤之間一個完美嘅平衡點！
- 果妍萃取二重肌粉底 + 二重肌遮瑕膏
- 果妍萃取柔滑粉底 + 長效遮瑕膏
小編私心角落：粉底遮瑕秘訣大放送！
- 乾性肌寶寶可以考慮係霧面或緞面粉底中加入一至兩滴面部精油，咁粉底上面嘅時候會再貼服啲，唔會好似撒哈拉沙漠咁dry到爆！
- 油性肌寶寶們可以係面部出油位薄塗一層竹子絲滑蜜粉，控油力一流！不過記得係上粉底/遮瑕前搽，避免油光滿面。
- 使用液態或霜狀粉底時可以用無乳膠美妝蛋輔助，締造無暇妝容。
- 如果想乾粉持久力強啲，都可以用無乳膠美妝蛋上妝。
- 如果你平時習慣用手指上遮瑕，建議上妝前徹底清潔雙手，避免手上油脂造成暗瘡爆發。用無名指上妝效果最好，因為無名指相對黎講較細力，唔會扯著皮膚、扯出細紋。
- 想發揮遮瑕膏最大作用？記得上完粉底先上遮瑕！
- 用粉底液嘅時候可以先係面上幾個區域點一點，然後再慢慢推開。咁樣你可以因應實際情況一層一層疊擦粉底，避免一開始就搽得太厚粉。如果你塊面出現皺紋或水滴，就可能代表粉底液搽得太多喇！
- 上遮瑕之前記得俾足夠時間令粉底完全貼入肌膚。同理，上蜜粉前都要俾時間遮瑕膏完全貼入肌膚。係每個底妝步驟之前停一停、諗一諗，係可以令妝容更持久架！
心思思想搵人幫手揀心水粉底？即刻去我地嘅粉底小學堂了解更多關於膚質、色號及肌底色嘅知識啦！你亦都可以瀏覽遮瑕小貼士，襯出最適合自己嘅遮瑕色號；打造女神級天然底妝，絕對不是夢！