重拾光彩，健康亮澤
真正嘅美係源自你天生就擁有嘅臉龐，不過再高質嘅天然美女都需要做好護膚步驟！想令皮膚更幼滑、更富水潤光澤？只要搵啱妝前底霜就ok！我地嘅亮澤妝前底霜就係你嘅不二之選，即刻睇下佢有咩咁犀利？
亮澤小祕笈：成分大公開！
我地嘅皇牌透亮妝前底霜蘊含豐富營養，滋養肌膚，令你散發由內而外嘅健康光芒。所以究竟呢支妝前底霜有咩咁巴閉？等我地現身說法啦！
有機蘆薈汁
想皮膚散發光澤，關鍵係要補濕！透亮妝前底霜以蘆薈汁為基底，有效鎮靜暗瘡肌、療癒受刺激皮膚，同時係化妝前為肌膚補充水分。
維他命C
維他命C係最為聞名嘅抗氧化物，佢同時可提亮肌膚、促進膠原增生，令皮膚回復彈性。唔單只咁，維他命C仲可以對抗UV紫外線入侵，減淡黑班，令皮膚由內而外散發光彩。
紅酒白藜蘆醇
除左維他命C之外，白藜蘆醇都係另一個強效抗氧化幫手，佢蘊含豐富多酚，有助促進
膠原增生，打擊提早衰老。白藜蘆醇好處多多，但佢係呢款妝前底霜裡面就主要令皮膚
回復柔軟、潔淨嘅功用。
維他命E
我地都好鐘意維他命E嘅強大修復功能，而佢係呢款妝前底霜裡面就同時化身為護膚將軍，
為皮膚築起屏障抵擋乾燥症及自由基侵害。
綠茶
可以抗菌嘅綠茶向來都係我地100% PURE™產品「老是常出現」，因為佢實在係太好用喇！
佢可以好似肌底液咁幫我地平衡、潔淨皮膚，去水腫，而且促進新健康細胞增生。
雲母
雲母被廣泛使用於化妝品中，但唔少開採商利用不道德途徑獲取雲母、濫用雲母作為
填滿化妝品嘅內容物，所以一度令雲母係美妝界中聲名狼藉。我地保證循道德途徑開採
雲母，令你皮膚散發自然嘅珠光。
矽酮妝前底霜：點解要提防？對皮膚有咩害處？
話明係妝前底霜，咁好明顯佢地應該要改善我地皮膚嘅狀態，而唔係破壞佢。可惜，唔
少矽酮妝前底霜正正就係「搞搞陣，無幫襯」嘅表表者。無可否認，矽酮妝前底霜通常
都可以塑造猶如天鵝絨般細滑嘅皮膚，但矽酮呢種添加物有好多不為人知嘅秘密，隨時
破壞你辛辛苦苦鍛鍊得黎嘅牛奶肌！
如果你飽受混合肌或乾性肌所困擾，矽酮可能就係其中一個罪魁禍首。呢種物質可以抑制
死皮掉落，但死皮脫落係皮膚新陳代謝自然現象，抑制佢反而唔好；而且，矽酮某啲成分
會殘留係皮膚表面，堵塞毛孔。
所以，我地避免使用矽酮嘅最大原因就係佢會令皮膚大塞車，尤其是敏感肌或暗瘡肌
嘅你就要更加小心。矽酮妝前底霜可以話一不做二不休：先奪你皮膚水源，再為死皮
設下陷阱，後堵塞毛孔，咁仲唔係暗瘡大爆發嘅惡兆？
我地始終深信每一樣添加於護膚品中嘅成分都應該對皮膚有益，但矽酮委實係百害
而無一利。雖然佢令底霜質地較為潤滑，但唔代表佢係無可取替：我地嘅配方採用純天然
成分，既對皮膚有益，而且比矽酮效果更顯著。
取代矽酮的天然成分
亮澤妝前底霜以荷荷芭油、荷荷芭蠟、二氧化矽及稻米澱粉為基底。四大天王聯手
嘅結果，就係堪比矽酮妝前底霜一樣嘅妝效。
荷荷芭油嘅質地係最貼近我地皮膚天然嘅油脂，上手感覺絲滑，同時滋潤皮膚。而且，
荷荷芭油滿載維他命E及抗氧化成分，締造健康皮膚。
唔好以為二氧化矽同矽酮有咩相似之處，其實佢哋大纜都扯唔埋；二氧化矽係一種於
石英中發現嘅天然複合物。二氧化矽又名硅 / 二氧化硅，佢可以令妝前底霜變得更
細滑、貼服、均衡。配方中加入二氧化矽可令底霜質感增稠，同時防止裡面閃閃
發亮嘅礦物質沈澱，所以你每次上妝時都可以見到臉龐自然散發珠光。
而稻米澱粉就擔當起保護皮膚嘅屏障，佢持妝力效果一流，係24小時不掉妝嘅秘訣。
稻米澱粉含多種礦物、胺基酸及維他命B，令皮膚更長壽、更健康。佢同荷荷芭油
合作無間，既唔會好似矽酮咁堵塞毛孔，又可以令底霜裡面嘅成分發揮最大功效。
重點係：完全唔傷害皮膚！
點先叫「由內而外」，煥發光彩？
呢隻配方賣點就係佢蘊含非一般多嘅補濕成分。加入補濕元素可以令皮膚望落有一層
自然嘅水光，唔會太閃、太唔自然。呢隊補濕小分隊包括多位健將，例如蘆薈汁、荷荷芭油
及牛油果油。
另一大賣點就係我地唔用人造閃粉，而係選用道德開採出嘅雲母代替。呢啲非常微細嘅
顆粒會折射自然光，好似星塵一樣自帶暗暗珠光，含蓄得黎又高貴。我地採用嘅雲母顆粒
係極度精細，唔仔細睇都唔多覺，但搽上面後就會有一層淡淡嘅珠光，好似加左濾鏡咁。
講左咁耐，要記住幾個關鍵詞：亮澤妝前底霜既可補濕，又為你營造天然低調嘅珠光妝感。
因為單搽呢隻妝前底霜已經有偽素顏咁嘅效果，所以小編好多時候都唔搽粉底直接搽
呢隻底霜就出街，皮膚感覺零負擔得黎又好似有化到妝咁！
小編私心醒你正確搽妝前底霜步驟：
1. 首先，潔面後塗上肌底液及防曬。
2. 取一粒豌豆份量嘅底霜，係額頭中間、鼻梁及下巴點一點。
3. 用手指腹輕力將底霜抹在臉上，記住唔好太大力，只要用指腹輕輕將底霜往外
推開，直至覆蓋整個臉部就可以。
- 油性或混合肌嘅你可以淨針對某啲部位選擇性搽底霜。你可以將呢隻底霜當係眼影
妝前底霜或弱高光粉咁用，會令真正高光粉上面效果更明顯。
4. 等大概1分鐘至90秒，令底霜完全貼服後先繼續化妝。係等候嘅同時，你可以試下
用我地嘅睫毛液打底膏，或者搽下潤唇膏先；再唔係篤下手機、追下星都得嘅！
5. 妝前底霜可以當水潤型補濕液單獨使用，只要輕輕化埋條眉、上睫毛液，再搽唇膏，
就可以輕鬆打造偽素顏look。想遮瑕度高少少，可以疊擦BB Cream；當然你亦可以
繼續你平時嘅化妝步驟，打造由朝到晚都唔甩色嘅女神妝。