識用洗米水，從此告別黑班、暗啞肌！唔洗再驚曬太陽受自由基侵害～
作為以植物為主要成分的品牌，我地一直都非常推崇一系列的草本爽膚水。由舒緩嘅玫瑰水到超級補濕嘅蘆薈汁，佢地點止「水」咁簡單？
在眾多水系精靈入面最出類拔萃嘅，莫過於米水：你無睇錯，就係阿媽日日洗完米後留低嘅一盤乳白色、滿載澱粉質嘅水。洗米水比起佢啲香豔嘅花露水同學們踏實樸素好多，但其美顏功效一啲都唔輸蝕，幾世紀以來一直都被供奉係護膚界神壇。今時今日你大可在各大日韓甚至歐美護膚品中發現佢嘅影子，特別係提亮膚色嘅產品，更加鐘意加入米水。
如果你仲係半信半疑（小編心諗：早知我每日勤力啲幫阿媽洗米......)，就千祈唔好錯過以下懶人包，幫你拆解米水亮肌真諦！
米水四大營養，活肌爽膚提亮
2013年美國一個研究顯示，米水有助減低UV紫外線對皮膚造成的傷害。所以，護膚時使用米水，不但為皮膚築起UV防護網，更可以提亮膚色，令皮膚回復柔嫩。
更重要嘅係，米水可能仲有修復受損肌膚之效，尤其經歷過雨打風霜、辛勤工作的皮膚。傳說古代日本女性每天在米稻田中耕作，但雙手仍維持少女般不經摧殘的柔嫩，米水護膚的功效便一直傳頌至今。
好多人都以為米水只係一種成分，其實佢係好多種不同成分嘅混合體，包括大量維他命、胺基酸及礦物質。正因如此，米水功能多多，既可舒緩、鎮靜皮膚，又可保護敏感肌。
即刻等我地睇下米水入面四大護膚元素啦！
#1: 麴酸
米水中最為外人知曉的成分就係麴酸；佢出名有提亮、防真菌及防菌功效。
麴酸最厲害嘅地方，係佢可以抑制黑色素生成。黑色素係皮膚天然製造的色素，黑色素的多寡會決定我地嘅眼珠顏色、頭髮顏色及膚色。黑色素亦經常係疤痕組織及黑斑內發現。
麴酸可以阻止身體內酪氨酸的形成，而酪氨酸就係生產黑色素時一種重要的胺基酸。換而言之，麴酸間接降低身體黑色素產量，故而有助提亮膚色，同時減退疤痕。另外，麴酸的防真菌、防菌作用可以防止暗瘡細菌形成，減低暗瘡爆發機率。
#2: 阿魏酸
米水就同其他草本原料一樣，含豐富抗氧化成分。其中一種最顯著的就係阿魏酸；佢係對抗自由基嘅小先鋒，所以係逆轉肌齡嘅關鍵。
阿魏酸仲可以同其他抗氧化成分例如維他命C同E聯手，發揮更大效用。但築起自由基防護網之後，呢啲維他命就可能太短命，葬身沙場；阿魏酸正好發揮穩定維他命嘅功用，令佢地無咁快失效。2005年一個研究亦提出，阿魏酸防光害嘅特質係混合維他命C及E後，將會加倍。
#3: 維他命E
維他命E係一隻可溶於脂肪的強效抗氧化劑，佢嘅主要功效包括消炎、促進皮膚及免疫系統健康，同時對抗自由基。
成日曬太陽可能令皮膚和頭髮受到UV紫外線傷害，而米水入面嘅維他命E就可以舒緩呢啲傷害。根據俄勒岡州立大學研究所示，維他命E可吸收UV紫外線，好似防護盾咁保護皮膚免受環境侵害。
#4: 尿囊素
尿囊素呢種複合物係好多植物裡面都搵到，包括洋甘菊及紫草（聚合草）。佢百變的特質令佢被靈活運用於各種補濕產品中，有效防止皮膚過乾，同時舒緩、提亮。尿囊素更可促進膠原增生、刺激纖維母細胞生長，逆轉肌齡、延緩衰老。簡單黎講，尿囊素可令皮膚變得更有彈性，同時減輕細紋及皺紋。
如何在日常護膚程序中加入米水
米水可以係護膚及護髮程序中發揮巨大作用，而且一啲都唔難整，你甚至可以嘗試DIY米水，自己動手做。
不過，要真正解鎖高濃度米水嘅護膚作用，都係使用經過實驗室精心研配的產品好啲。
我地嘅米釀活膚精華有助呵護皮膚、修復被陽光侵害的受損細胞，令臉龐散發健康神采。雖然本產品含抗氧化成分，但佢並不能取代正宗SPF防曬產品，所以唔好偷懶唔搽防曬啊！
如果再講得深入啲，米釀其實即係經發酵嘅米水；有個通俗啲嘅名，就係清酒！清酒可以減淡疤痕、雀斑，減低老化帶來的痕跡。你亦都可以嘗試我地嘅亮肌精華及黑斑褪班膏，同樣有清酒呢樣成分。
使用米水要知多啲！
米水精華通常有分高濃度同輕盈兩種配方，無論用邊一種，都一定要先潔面及搽爽膚水；上完精華後，才使用補濕液及臉部精油。
米釀活膚精華日夜皆可使用，而且適合所有肌膚。取約五毫子份量，輕輕拍在微濕的臉上，等大約90秒，令皮膚完全吸收。
(我們所有產品都根據純淨原則親自挑選，我們只會推薦符合純淨護膚標準的產品。100% PURE™ 可能會自每一筆相關交易中收取小部分佣金。
本文純粹屬教育用途，並不代表任何形式的專業醫學意見、診斷及療法，亦不適合醫學實踐）