原來係飲食同護膚程序中加入多酚，竟然有無盡好處？！
講到對抗衰老及太陽帶來的傷害，抗氧化通常都係第一個你諗到嘅成分。但抗氧化大家庭裡面甚少被人提及的多酚，卻係呢個家庭裡面最厲害嘅一位成員。
究竟多酚係何方神聖？佢又點可以幫我地維持健康皮膚？即刻碌落下文睇下呢種強效複合物如何保護皮膚，尋找含多酚嘅食物及護膚品啦！
多酚如何對抗自由基
「多酚」指一種植物中蘊含嘅複合物，唔少味帶苦澀的食物都飽含多酚，包括各種香料、水果、黑朱古力及紅酒。如果你問「咩係多酚？」，多酚本質其實就係一種抗氧化物。
抗氧化物係對抗自由基侵害中重要的一員。自由基，即係缺乏電子嘅不穩定原子；為左尋求穩定，自由基會嘗試同其他原子合併，共享電子。
過份吸收自由基會導致一系列情況發生，包括發炎及提早衰老。問題係，自由基係我地生活中無所不在，避無可避。雖然我地身體應該足夠強大應付由環境帶來的自由基，但生活指數例如壓力同吸煙等都會增加我地被自由基侵略的機會。
抗氧化物最大的好處就係可以中和有害原子，防止自由基傷害皮膚。故此，護膚固然要加入多酚，但飲食中加入多酚亦同樣重要！
護膚品中的多酚專業戶
開始之前首先講明，加入多酚護膚永遠不能取代一個含多酚的膳食，即進食大量綠葉蔬菜、顏色鮮豔的農產品及全穀物。含多酚的護膚品係一個輔助角色，佢地蘊含豐富抗衰老抗氧化物，令皮膚維持富彈性、年輕狀態。
但係邊到先搵到含多酚嘅護膚品？幾乎所有護膚品、化妝品及身體產品都含有一種或以上的多酚。
即刻睇下我地嘅多酚精銳部隊，梗有一款啱心水！
米釀清酒潔顏露
稻米幾個世紀以來一直係美妝界寵兒，全靠佢先可以令皮膚keep住柔滑細嫩。呢款潔顏露含豐富胺基酸、酶、礦物質及多酚草本萃取，十八般武藝，樣樣齊全。
其中一種活躍成分就係桑莓，佢蘊含一種名為花青素的多酚。花青素護眼就聽得多，但其實佢仲可以消炎，而且根據一項研究顯示，佢有刺激膠原增生嘅功效。
多重維他命抗氧化晚間精華
呢款精華就好似雞尾酒一樣，匯聚各種元素例如維他命、礦物質及抗氧化成分 — 當然唔少得嘅就係多酚啦！
而其中一種蘊含大量多酚的成分就係菠菜！菠菜含豐富類黃酮，有效抑制紫外線B (UVB) 對皮膚嘅傷害。
另外，此配方亦特別加入沙棘油，佢蘊含豐富兒茶素及阿魏酸，防止細胞受破壞。
抹茶燕麥牛乳滋潤面膜
綠茶係公認嘅抗氧化好物，就係因為佢蘊含大量多酚。而呢款面膜嘅主要成分 — 抹茶，
其實就係濃縮綠茶粉。佢蘊含豐富類黃酮以及酚酸，滋潤得黎為皮膚注入營養。
明肌亮澤妝前底霜
如果想打造貼服無暇的底妝，使用好的妝前底霜係至為重要的一環。呢款明肌亮澤妝前底霜
就可以為你打造最由內而外煥發嘅自然光彩，全靠佢蘊含豐富白藜蘆醇。白藜蘆醇係一種自
葡萄皮及紅酒中提煉出黎嘅抗氧化物，可以幫助肌膚逆轉肌齡。想知多啲紅酒同多酚
點幫你抗氧化，就唔好錯過下面食譜個部分喇！
粉紅西柚潤膚乳液
呢款潤膚乳液蘊含豐富脂肪酸及多酚，即刻為你乾燥痕癢嘅肌膚注入滿滿營養及水分！
此配方特別加入生咖啡豆，佢蘊含大量類黃酮，促進膠原增生；而黑加侖子油則可深層
潤澤，佢蘊含嘅花青素仲可以對抗紫外線，保護肌膚。
多酚食譜大公開！
究竟咩食物蘊含豐富多酚呢？其實唔洗食啲咩山珍海味，以下所以食物、飲品你都成
日見到，仲分分鐘係你最鐘意嘅野食添！由今日開始適量吸收多酚，皮膚都變多「fun」
啦！
雜莓
深紅色或深藍色嘅莓類除左含有大量抗氧化物同多酚，仲有豐富膳食纖維及維他命C。
無論係藍莓、紅桑子、黑莓、草莓......只要味帶酸甜而且顏色偏紅或偏藍，都代表
佢含豐富多酚。
紅酒
飲紅酒對身體有益就聽得多，但你又知唔知紅酒裡面嘅多酚有咩益處？多酚比你想像
中更加勞苦功高！
係人都知，紅酒係由發酵葡萄而黎，而葡萄素來都有抗氧化神品嘅美譽。其中幾款
最為人稱頌嘅抗氧化物包括兒茶素、原花青素及白藜蘆醇，可以對抗由自由基引致
嘅衰老問題。
根據美國心臟學會顯示，人類每天最佳酒精攝取量應為男士兩杯，女士一杯。以紅酒
黎計，一杯紅酒容量係四安士，大家飲酒記得量力而為。
如果想黎個多酚盛宴，不妨考慮邊飲紅酒邊食黑朱古力。純度70%以上嘅黑朱古力
皆含豐富多酚。
咖啡
「齋啡唔該！」唔知大家係咪同小編一樣，都係重度咖啡因中毒者？雖然咖啡中嘅咖啡因
向來予人負面印象，可能令人心跳加速、難以集中精神，但亦有越黎越多研究證明
咖啡都對身體有好處，例如佢蘊含豐富抗氧化物。咖啡含大量多酚及羥基肉桂酸，佢地
有助對抗令皮膚提早衰老嘅自由基。一講起呢兩種成分，小編即刻諗到我地嘅咖啡因眼霜，
點只消黑眼圈咁簡單，仲可以逆轉肌齡添！
