訓覺都要keep住靚:睡眠面膜篇

訓覺都要keep住靚:睡眠面膜篇

以為自己做足護膚步驟就可以訓個靚覺?有無諗過其實訓覺本身都可以係美容嘅一環?

睡眠面膜,可以話係深層滋潤嘅必需品,只要敷一晚,翌日可能已經有明顯效果。面膜留係面上達數小時之久,面膜所含嘅營養就可以緩慢又充分地被皮膚吸收。另外,睡眠面膜係不含任何水分,比起一般補濕液較慢被皮膚吸收,所以要預留足夠時間讓營養完全滲入肌膚。

今日就帶大家認識下我地自家嘅皇牌:視黃醇修復睡眠面膜。想知佢包含咩成分?點樣使用?咁就要即刻碌落下文喇!

視黃醇修復睡眠面膜成分知多少

補濕液

唔好見到呢三隻字就以為呢款面膜同市面補濕液無分別,記住:睡眠面膜係無任何水分的!呢到指嘅補濕液並不是水,而係油。首先,牛油果油蘊含豐富脂肪酸,乳木果油深層滋潤;呢兩款油成為面膜底霜,我地再加入一系列嘅維他命,為肌膚黎個營養盛宴。最後,為左令面膜容易推開,我地特別加入有機橄欖油及葵花籽油,令配方更容易被皮膚吸收。

維他命

呢款面膜含有維他命界嘅三劍客:視黃醇,維他命C及E。任何延緩衰老嘅護膚品都應該要包含呢三種核心維他命,因為佢地分別集中解決導致皮膚衰老的問題:

視黃醇深層潔淨,改善皮膚觸感,減淡皺紋;

維他命C促進膠原增生,令皮膚回復彈性;

維他命E令皮膚回復柔軟,修補受損肌。

植物精油

此配方特別加入茉莉花油,除左貪佢芳香宜人之外,佢仲有減淡色班、均衡膚色嘅奇用。

如何正確使用睡眠面膜

接著落黎就係一百萬問題:究竟點先叫用啱睡眠面膜呢?首先,洗完面後搽上爽膚水,你亦可以選擇為皮膚塗上精華。大原則係要等呢啲護膚品徹底被皮膚吸收後,先好使用睡眠面膜。塗上精華可以幫助皮膚先收緊水分,有利之後維他命吸收得更徹底;你可以考慮使用我地嘅多重維他命抗氧化晚間精華,去做到鎖水呢個效果。精華蘊含豐富維他命C、視黃醇及活性維他命B3,同樣針對打擊年齡帶來的痕跡及自由基損傷,可以話係視黃醇修復睡眠面膜嘅最佳拍檔。

跟住以下步驟,就可以發揮面膜最大功效:

1. 紮起啲頭髮。你唔會想訓訓下覺,啲頭髮同面膜癡埋一舊!

2. 用乾淨的手指取約一毫子硬幣量。

3. 用指尖慢慢將面膜推開,只需幾秒,呈半固體狀的面膜就會軟化成液態膏狀。

4. 於臉部及頸部均衡地塗抹薄薄的一層,盡量避開眼周。

5. 係枕頭上放一條毛巾,避免面膜整污糟枕頭套。然後進入夢鄉!無錯,呢個可以話係終極懶人敷mask法。

6. 第二朝起身嘅時候,面膜應該已完全被皮膚吸收。如果仲有少許剩餘在面上,用清水洗淨、然後搽上防曬則可。記住,敷完視黃醇面膜後一定要搽防曬!

睡眠面膜有咩功效?

睡眠面膜有兩大功效:深層滋潤,同時令營養循序漸進地滲入皮膚。呢兩項功效足以令睡眠面膜成為護膚界中的秘密武器,以下就係原因:

長久的補濕

使用完睡眠面膜的翌日,你會立刻感受到皮膚變得更柔軟、更光滑。睡眠面膜係設計上特別加入各種豐富的柔軟劑,係成晚幾個鐘頭內無間斷地為皮膚注入營養。正如大家可能會開通宵做野一樣,呢款面膜都係開通宵地為皮膚補濕、築起一道補濕屏障,比起你日間使用嘅補濕液更持久,令皮膚不容易流失水分。

長久的維他命吸收

係你訓覺嘅同時,面膜入面嘅維他命並無因此而偷懶。呢啲維他命就夾係皮膚同各種植物油中間,令維他命保持活躍,成晚都keep住為皮膚提供滋養成分。

呢款面膜內含2.5%濃度嘅純素視黃醇,所以塗上面感覺輕微痕癢,實屬正常。視黃醇,聯同維他命C及E會係植物油嘅輔助下,慢慢滲入皮膚,呢個吸收過程比起一般水溶性補濕液更緩慢,如果持之以恆地使用,可以達至更明顯的效果。

睇完篇blog心動了?仲唔快啲睇下我地一系列為你精心設計的blog,學識更多護膚寶寶們必學嘅祕技?

 

 


舊文章